Muqdisho | QOL July 26, 2019 —Wasaarada arrimaha gudaha iyo dib u heshiisiinta ee Jubbaland waxa ay cadeysay in Dowlad goboleedka Jubbaland ay u madax banaan tahay qabashada Doorashooyinkeeda ayna masuul ka yihiin Gudiga madaxa banaan ee xuduudaha iyo doorashooyinka ee Jubbaland.

Sidoo kale Wasaarada arrimaha gudaha iyo dib u heshiisiinta Jubbaland waxay cadeynaysaa in liiska odayaasha dhaqanka ee ay soo saareen gudiga xuduudaha iyo doorashooyinka Jubbaland uu yahay kan rasmiga ah ee u diiwaan gashan Wasaarada arrimaha gudaha iyo dib u heshiisiinta Jubbaland.

Jubbaland waxay hoosta ka xariiqdey inaysan Wasaarada arrimaha gudaha iyo dib u heshiisiinta ee Dowlada federaalku aysan wax shaqo ah ku laheyn doorashooyinka Jubbaland.

War saxaafadeedkan ayaa jawaab u ah waraaq ay shaley soo saartey wasaarada arrimaha gudaha iyo dib u heshiisiinta ee DFS.

Image may be NSFW.
Clik here to view.Image may be NSFW.
Clik here to view.

Xafiiska Wararka Qaranimo Online | Muqdisho

________________________________________________

Muqdisho | QOL July 26, 2019 —Wararka laga helayo Magalada Garoowe ee Xarunta Gobolka Nugaal ayaa waxaa ay sheegayaan in Ciidamo ka tirsan kuwa Dowlad Goboleedka Puntland la dhigay Wadooyinka iyo Xaafadaha Magaaladaas.

Ciidamadaan oo u badan Boolis ayaa la sheegay inay sugayaan Amniga munaasabad loogu dabaal-degayo sanad-guurdii 21aad oo ku beegan markii la Aas-aasay Dowlad goboleedka Puntland 4-tii Bisha Agoosto Sanadkaan 2019 taas oo la filayo in lagu qabto Magalada Garoowe.

Wariyeyaal ku sugan Magalada Garoowe ayaa waxaa ay soo sheegayaan in Ciidamada ay yihiin kuwo heegan ku jira,isla markaana mararka qaar ay baaritaan ku sameynayaan Gaadiidka iyo qofkii ay ka shakiyaan.

Magaalada Garoowe ayaa siweyn looga dareemayaa u dabaal-degida 21-guurdii kasoo wareegtay Aas-aaskii Maamulka Puntland,waxaana munaasabada ka qeyb geli doona madax badan,waxaana munaasabadii la soo dhaafay ee sanadkii 2018 ka qeyb galay Ra’iiusl Wasaaraha Xukuumadda Soomaaliya Xasan Cali Kheyre.

Amniga Guud ee magalada Groowe ayaa aad loo adkeeyay,waxaana ciidamada lagu daadiyay wadooyinka ay wadaan dhaq dhaqaaq ku aadan sugida Amniga,waxana Magalada Garoowe ay ka mid tahay magaalooyinka ugu Amniga wanaagsan deegaannada Puntland.

Xafiiska Wararka Qaranimo Online | Muqdisho

________________________________________________

Muqdisho | QOL July 26, 2019 —Wakiilka gaarka ah ee midowga Afrika u qaabbilsan Soomaaliya, Danjire;Francisco Madeira, ayaa si weyn u dhalleeceeyay weerarkii ay l-Shabaab dhowaan la beegsadeen Xarunta maamulka Gobolka Banaadir.

Danjire; Madeira, ayaa yiro, “Ficilkan naxariis darrada ah , waxaa cad in loogu talo galay in lagu daadiyo Dhiig badan oo ah Dad aan wax galabsan ee ku dhaqan Magaalada Muqdisho.

Amb; Francisco Madeira, ayaa sidoo kale sheegay in kuwa mas’uulka ka ahaa weerarka ay doonayaan oo keliya in ay sii wadaan ficillada noocan ah oo Dalkana u horseedaya bur-bur iyo qalalaase.

Wakiilka gaarka ah ee midowga Afrika u qaabbilsan Soomaaliya, Danjire;Francisco Madeira, ayaa intaa raaciyay in aysan Al-Shabaab ku guuleysan doonin ololaha dagaal ee macna darrada ah, wuxuuna sheegay in reer Muqdisho iyo Dadka Soomaaliyeed oo dhami ay u ooman yihiin nabad.

Danjire; Francisco Madeira, ayaa ugu dambayn tacsi u diray Qoysaskii dhibbanayaasha iyo maamulka Gobolka Banaadir, wuxuuna kuwa dhaawaca qaba ah u rajeeyay caafimaad deg-deg ah.

Xafiiska Wararka Qaranimo Online | Muqdisho

________________________________________________

Muqdisho | QOL July 26, 2019 —Duqa degmada Garoowe Axmed Siciid Muuse ayaa sheegay in Soomaaliya xilligaan ay tahay mid aad u liidato taasina ay gaarsiyeen dadkeeda oo ah kuwa aan mideesneyn,isla markaana aan kalsooni isku qabin.

Waxa uu sheegay in dhawaan safaro uu ku tegay dalal ka mid ah Yurub loo diiday in Baasaboorka Soomaaliya uu watay Viisaha loogu dhejiyo,waxaana taasi uu u sababeeyay in Soomaaliya aan la aqoonsaneyn oo ay joogto meeshii ugu liidatay.

“Intii aan ahay duqa degmada laba jeer ayaan aaday Yurub waana ii diideen in baasaboorkeyga inay viisaha iigu dhejiyaan,warqad ay iyagu qoreen ayay ku dhejiyeen waxayna ii raaciyeen baasaboorka ma aqoonsani,sharafteena waxaa ay ku xiran tahay midnimadeena ayuu yiri Duqa degmada Garoowe.

Hadalkaan ayaa duqa Magalada Garoowe waxaa uu ka jeediyay munaasabad lagu soo geba-gabeynayay Bandhiga Buugaagta oo markii Shanaad sanadkaan lagu qabtay Magalada Garoowe.

Xafiiska Wararka Qaranimo Online | Muqdisho

________________________________________________

Muqdisho | QOL July 26, 2019 —Gudigga qaban qaabada dib u heshiisiinta beellaha Galmudug ee uu dhawaan Magacaabay Wasiirka arimaha Gudaha Faderaalka iyo dib u heshiisiinta  Xukumadda Soomaaliya ayaa deegaanadda maamulkaasi ka bilaabay kulamo ay la yeelanayaan qaybaha kala duwan ee bulshadda Galmudug.

Gudigaan ayaa beelaha iyo waxgaradka ay kulmeen waxa ay ka codsadeen in ka soo qayb galaan Shirka Dibuheshiisiinta Galmudug oo ka dhici doona Magaalada Dhuusamareeb ee Caasimada Galmudug 5ta bisha Agoosto 2019 sida qorshuhu yahey.

Guddiga Qabanqaabada Shirka Dib u heshiisiinta Beelaha Galmudug oo shalay Guriceel ku booqday Ugaas Xasan Ugaas Maxamed Ugaas Nuur, ayaa ka codsaday Ugaaska In uu isugu yeero Beelaha Galmudug.

Image may be NSFW.
Clik here to view.

Xubnaha Gudiga oo uu hogaamiyaano Cabdiraxmaan Macalin Cabdulaahi Baadiyoow oo ah Gudomiyaha gudiga dib u heshiisiinta beellaha Galmudug ayaa gaaray degmada Balanbal ee Gobolka Galgaduud,waxaana halkaasi ku soo dhaweeyay Madaxweyne ku xigeenka Galmudug Maxamed Xaashi Carabay.

Image may be NSFW.
Clik here to view.

“Waxaa Maanta Degmada Balanballe nagu soo Booqday Gudiga Dib u heshiisiinta Galmudug kuwaa oo si fiican loo soo dhaweeyay lagana aqbalay codsigay wadeen ayagoo odayaasha iyo shacabka Balanbale Aqbaleen inay ka qayb galaan Shirka Dibuheshiisiinta Galmudug oo ka dhici doona Magaalada Dhuusamareeb ee Caasimada Galmudug 5ta bisha Agoosto 2019” ayuu yiri Madaxweyne ku xigeenka Galmudug Carabay.

Gudigaan ay wasaaradda arimaha Gudaha Soomaaliya u xilsaartay dib u heshiisiinta Galmudug oo dhankooda hadlay ayaa sheegay in ay tagayaan deegaanadda Maamulka Galmudug si ay beellaha dega ugu qanciyaan in ay ka soo qayb galaan shirka dib u heshiisiinta Galmudug.

Xafiiska Wararka Qaranimo Online | Muqdisho

________________________________________________

Muqdisho | QOL July 26, 2019 —Dalka Kenya ayaa sanadka 2023 laga weyn doonaa hal dameer kadib markii uu sare u kacay isticmaalka hilibka dameeraha ee dalka Kenya.

Cilmi baaris la sameeyay ayaa lagu ogaaday in tirada dameeraha lagu qalo gudaha dalka Kenya ay gaartey heer aad u sareeya iyadoo maalin walba la qalo kun dameer.

Isticmaalka gudaha ee hilbaha dameeraha marka laga reebo ayaa waxaa la sheegay in loo dhoofiyo dalal dibadda ah sida Shiinaha.

Illaa afar kawaan oo waaweyn ayaa lagu qalaa dameeraha dalka Kenya iyadoo sare u kac uu ku yimid qiimaha dameeraha.

Ururada u dooda xuquuqda xoolaha ayaa ugu baaqay dowlada Kenya in ay joojiso dhoofinta hilibka iyo hargaha dameeraha.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Guddiga doorashooyinka maamulka Jubbaland ayaa beeniyay in Guddigu ay soo xuleen Odayaal aan aheyn kuwii loogu tala galay in ay soo xulaan Xildhibaanada maamulka Jubbaland.

Gudoomiyaha Guddiga doorashooyinka maamulka Jubbaland Xamze Cali Barre ayaa warbaahinta u sheegay in Odayaasha la soo xulay ay yihiin Odayaashii horay u soo xulay xildhibaanada dowladda dhexe ee Soomaaliya iyo kuwa maamulka Jubbaland.

Gudoomiyaha ayaa tilmaamay in Odayaasha Saxda ah ee Jubbaland uu ka maqan yahay kaliyah hal Nabadoon oo Xaalad Caafimaad u jira dalka Kenya, islamarkaana lagu badalay Mid kale oo uu soo wakiishay.

Qaar ka mid ah Musharaxiinta xilka Madaxweynaha maamulka Jubbaland ayaa ku dhawaaqay in ay sameysan doonaan guddi doorasho oo ka madax banaan kan Jubbaland ee Shaqada doorashadda ku howlan.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Xildhibaan Axmed Macalin Fiqi oo ka mid ah Xildhibaanada Golaha Shacabka ee laga soo doorto Galmudug ayaa ku eedeeyay dowladda dhexe ee Soomaaliya in Ciidamo badan ay u daad guraynayso Magaalada Dhuusamareeb.

Xildhibaanka ayaa xusay in ay nasiib daro weyn tahay in Amniga Magaalada Muqdisho oo aan waxba laga qaban taas badalkeena dowladda ay diyaarinayso Ciidamo ay doonayso in ay  Kuraasta xildhibaanada kusoo saarto 2020-ka.

“Ciidamada la leeyahay Xamar oo amni xumada ka jirta la wada og-yahey ayaa laga daad-guraynayaa oo loo wado Dh.Mareeb oo nabadgalyo ah, sow uma eka in hashii caloosha laga rarayo” Ayuu yiri Xildhibaanka.

Fiqi ayaa sidoo kale xusay in aan la aqbali doonin in dhibaatadda lagu haayo Shacabka Muqdisho ee Qaraxyo ay ka mid yihiin in ay sii socdaan.

“Waxaa muuqata in madaxda Villa Somalia uusan u muuqan dhiigga iyo dhaawaca joogtada ah ee ka dhashey amni xumada iyo dayacaadda Muqdisho ka jirta, hammigooda iyo hankooduna uu ku siman yahay kuraasta dawlad goboleedyada oo xoog lagu soo boobo iyo qalqal-gelinta dhul nabad ay ka jirto”Ayuu yiri Xildhibaan Fiqi.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Wararka naga soo gaaraya Magaalada Dhuusamareeb ee Caasimadda Galmudug ayaa waxa ay sheegayaan in Ciidanka Ahlusunna ay si buuxda ula wareegeen gacan ku heynta Garoonka Ugaas Nuur ee Magaalada Dhuusamareeb.

Ciidankaan ayaa meesha ka saaray Ciidamo isku dhaf ah oo dhawaan la geeyay Garoonka Diyaaraddaha Magaalada Dhuusamareeb, kuwaasoo isugu jira Boolis iyo Milatari kala socday Ciidanka Sunna iyo kuwa dowladda.

Wararka qaar ayaa waxa ay sheegayaan in Maamulka Ahlusunna ay diideen in Ciidamo hubeysan oo ka socda dowladda dhexe ee Soomaaliya la geeyo Magaalada Dhuusamareeb, taas badalkeeda ay Amniga Magaalada ku sugi doonaan Ciidankii dhawaan la qarameeyay.

Hoggaamiyaha Ahlusunna Macalin Maxamuud ayaa diiday in Ciidamo laga qaado Muqdisho laga geeyo Magaalada Dhuusmareeb,islamarkaana uu jiro Khilaaf ka dhex taagan Kheyre iyo Madaxda Ahlusunna ee ku sugan Dhuusamareeb.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Wasiirka waxbarashada xukuumadda Federaalka Soomaaliya mudane Cabdullahi Goodax Barre ayaa maanta magaalada muqdisho ka furay tababarka tababarayaasha macallimiinta Qaranka.

Tababarka ayaa loo furay in kabadan 100 macallin oo loogu talagay in ay sii tababaraan macallimiinta iskuullada gobalka Banaadir .

Tababarka macallimiinta oo socon doona mudo 10 maalmooda ayaa waxaa bixin doona aqoonyahano qibrad dheer u leh tababarka macallimiinta dugsiyada waxana lagu tababari doonaa macallimiinta manhajka ay diyaarisay wasaaradda waxabarashada Hiddaha iyo Tacliinta sare ee Soomaaliya.

Wasiirka waxbarashada xukuumadda federaalka Soomaaliya Cabdullaahi Goodax Barre ayaa sheegay in macallimiinta lagu tababarayo manhajka fasalka koobaad ilaa fasalka sideedaad si manhajka ay diyaarisay wasaaradda waxbarashada Soomaaliya loo gaarsiiyo dalka oo dhan .

“Maanta waxaan furay tababarka tababarayaasha macallimiinta Qaranka oo ahmiyad gaar ah u leh horumarinta waxbarashada dalka,Manhajka lagu tababarayo macallimiinta waxa uu qeyb weyn ka qaadanayaa tayada waxbarashada soomaaliyeed, tayado waxbarashada waxa ay ka koobantahay sadax tiir,oo kala ah tiirka koobaad waa macallinka ,tiirka labaad waa manhajka, balse waa in lahelaa kormeer adag oo hubiya si loo ogaado in manhajkii iyo macallinkii ay si wanaagsan iskula taaba qaadeen, dugsikasta iyo hay,ad kasta waxaa qasab ku ah in Fasalka koobaad ilaa fasalka sideedaad in uu isticmaalo manhajka ay diyaarisay wasaaradda waxbarashada” ayuu yiri Wasiir Goodax.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Saddexda Xisbi ee Somaliland ayaa heshiis ka gaaray Qabsoomida Doorashada Golaha wakiilada iyo golayaasha degaanada maamulka Somaliland.

Xisbiyadda Kulmiye, Ucid iyo Wadani ayaa heshiis gaaray, waxaana ay sheegeen ay qabsoomi doonto doorashadda Somaliland ee xildhibaanada sidoo kalena la kala diri doono Guddiga doorashooyinka Somaliland oo buuq badan abuuray.

Image may be NSFW.
Clik here to view.

Image may be NSFW.
Clik here to view.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo dhambaal u diray Dowladda iyo Shacabka dalka aan walaalaha nahay ee Tuunis ayaa uga tacsiyeeyay geerida ku timi Madaxweynihii dalkaas Mudane Muxammad Al-Baaji Qaa’id as-Sibsi.

“Waxa na soo gaaray warka naxdinta leh ee dhimashada Madaxweynihii dalka aan walaalaha nahay ee Tuunis Mudane Muxammad Al-Baaji Qaa’id as-Sibsi oo geeriyooday aroortii Khamiista, 25-kii bisha Luuliyo 2019. Waxaan Dowladda, qoyska marxuumka iyo guud ahaan shacabka Tuunis ee aan walaalaha nahay u dirayaa tacsi tiiraanyo leh.”

Madaxweyne Maxamed Cabdullaahi Farmaajo ayaa Marxuum Muxammad Al-Baaji Alle uga baryey inuu u danbi dhaafo, kuna abaalmariyo jannooyinkiisa, isaga oo qoyska marxuumka iyo guud ahaan shacabka reer Tuunisna u rajeeyay sabar iyo iimaan.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Guddiga KMG ah ee Diyaarinta Sharciga Doorashooyinka Qaranka ee Golaha Shacabka ayaa Maanta Doortay Guddoonka Guddiga.

Guddoomiyaha Guddiga ayaa Loo doortay Xildhibaan Cabdullaahi Abukar Xaaji; Guddoomiye kuxigeenka ayaa isna loodoortay Xil. Maxamed Cumar Caymoy halka Xoghayaha Guddiga loo doortay Xil. Axmed Xaaji Maxamed Taaw.

Gudoomiye ku xigeenka Labaad ee Golaha Shacabka Mahad Cabdalla Cawad ayaa sheegay in Guddoonka Guddiga lagu doortay Cod qarsoodi ah, islamarkaana loogu tala galay in ay shaqooyinka loo igmday dardargaliyaan.

Waxaa uu sheegay in Guddiga ay muhiim yihiin dalka, islamarkaana ay heystaan Waqti Kooban si ay u soo diyaariyaan Sharciga Doorashooyinka Qaranka.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Ku simaha Duqa Magaalada Muqdisho ahna ku xigeenka duqa dhanka Maamulka iyo Maaliyadda Ibraahim Cumar Mahad Alle ayaa magaacabay guddi ka shaqeeya xaaladda deg deggaa, si loo dardargeliyo adeegyada ay Dowladda Hoose ee Xamar u hayso shacabka Caasimadda loogana warqabo dadkii waxyeelada kasoo gaartay mashaqadii dhacday.

Image may be NSFW.
Clik here to view.

Xafiiska Wararka Qaranimo Online | Muqdisho

________________________________________________

Muqdisho | QOL July 27, 2019 —Kulankan ay wada yeesheen Guddiga Horumarinta Adeegga Bulshada, Arimaha Bani ‘aadanimada Warfaafinta iyo Dhaqanka Golaha aqalka Baarlamaanka Federaalka Soomaaliya iyo Wasaarada Warfaafinta Dhaqanka iyo Dalxiiska Xukuumadda Federaalka Soomaaliya ayaa Waxaa Looga hadlayay Xeerka Saxaafadda ee dhowaan ansixiyeen  golaha shacabka Baarlamaanka Federaalka Soomaaliya qorshe howleedka Wasaaradda Warfaafinta Dhaqanka iyo Dalxiiska Xukuumadda Federaalka Soomaaliya.

Kulanka oo ka dhacay Xarunta golaha Aqalka sare Baarlamaanka Soomaaliya ayaa saacado dheer ka dib waxaa warbaahinta la hadlay Guddoomiyaha Guddiga Horumarinta Adeegga Bulshada, Arimaha Bani ‘aadanimada Warfaafinta iyo Dhaqanka Senator Axmed Macallin Cumar Nadiir, waxa uu sheegay in wasiirka uu gudiga uga warbixiyay tubaha Wasaaradda warfaafinta ku shaqayso, Warbaahinta Dowlada iyo kuwa Madaxa Bannaan Horumarka iyo Caqabadaha haysta.

Wasiirka Warfaafinta, Dhaqanka iyo Dalxiiska Xukuumadda Federaalka Soomaaliya Xildhibaan Maxamed Cabdi Xayir Maareeye ayaa dhankiisa ka warbixiyay qorshaha Wasaaradda iyo tubaha ay Wasaaradda ku shaqayso iyadoo gudigan ay lee yihiin wada shaqayn dhow ayna ka wada shaqayn doonaan xeerka saxaafadda ee dhowaan Ansixiyeen Golaha shacabka Baarlamaanka Soomaaliya.

Xafiiska Wararka Qaranimo Online | Muqdisho

________________________________________________

Muqdisho | QOL July 28, 2019 —Wakiilka Qaramada Midoobay ee Arrimaha Soomaaliya James Swan oo Sabtidii shalay gaaray Magalada Hargeysa ayaa la filayaa in uu kulamo la yeesho Madaxweynaha Soomaaliland iyo mas’uuliyiinta kale ee Maamulkaas, isaga oo kala hadli doona Arrimo dhowr ah.

James Swan ayaa markii uu ka degay Hargeysa waxaa uu booqday Xarun Xirfado kala duwan dadka lagu baro oo ay maalgelinteeda iska kaashadeen hay’adda qaxootiga ee UN-ka iyo Machadka Shaqaalaha rayidka Soomaaliland, kaas oo ay taageerayso Barnaamijka Horumarinta Qaramada Midoobay ee (UNDP).

Sidoo kale Wakiilka Qaramada Midoobay ee Arrimaha Soomaaliya James Swan ayaa la filayaa in saacadaha soo socda uu la kulmo Madaxweynaha Soomaaliland Muuse Biixi Cabdi, sida ay shaaciyeen Wariyeyaal ku sugan Magaalada Hargeysa.

Kulankooda ayaa sida aan wararka ku helnay waxaa ay uga wada hadli doonaan Arrimaha la xiriira doorashooyinka oo shalay ay heshiis ka gaareen xukuumadda Soomaaliland iyo Madaxda Xisbiyda & wadahadallada Soomaliya iyo Soomaaliland oo mudo hakad ku jira.,

Waa booqashadii ugu horeysay ee Wakiilka Qaramada Midoobay ee Arrimaha Soomaaliya James Swan uu ku tago Hargeysa tan iyo markii xilkaasi loo Magacaabay, iyada oo Madaxtooyada Soomaaliland oo soo bandhigi jirtay booqashada wufuuda Caalamiga ah aysan weli ka hadlin Safarka James Swan uu ku tegay Hargeysa.

Image may be NSFW.
Clik here to view. Image may be NSFW.
Clik here to view. Image may be NSFW.
Clik here to view.

Xafiiska Wararka Qaranimo Online | Muqdisho

________________________________________________

Muqdisho | QOL July 28, 2019 —Magalada Gaalkacyo ee xarunta Gobolka Mudug waxaa gaaray Xubnaha Guddiga qaban qaabasahda shirka dib u heshiinsiinta beelaha dega Deegaanada Galmudug,kuwaas oo dhawaan ay Magacaawday Wasaaradda arrimaha Gudaha Xukuumadda Soomaaliya.

Guddiga ayaa waxaa soo dhaweeyay Mas’uuliyiinta Maamulka degmada Gaalkacyo iyo qeybaha kala duwan ee bulshada,waxana la filayaa in gelinka dambe ee Maanta ay la kulmaan Odayasha dhaqanka iyo qeybaha bulshada.

Labada dhinac ayaa waxaa ay ka wada hadli doonaan  Arimo la xiriira shirka dib u heshiinsiinta deegaannada Galmudug iyo sidii reer Gaalkacyo ugu qeyb gali lahayeen gogosha dib u heshiinsiinta ee taalla Caasimada Galmudug ee dhuusamareeb.

Reer Gaalkacyo ayaa horay ugu baaqay in shirka dib u heshiinsiinta lagu qabto magalada Gaalkacyo maadama ay sheegeen in madaxweyanaha Soomaliya uu horay ugu dhagax dhigay gurriga Nabadda.

Xubnaha Guddiga qaban qaabasahda shirka dib u heshiinsiinta beelaha dega Deegaanada Galmudug ayaa shalay tegay deegaanka Xeraale ee Gobolka Galgaduud, iyaga oo la kulmay Odayaasha & Waxgaradka deegaankaas,hayeeshee daka Reer Xeraale ay shuruud ku xireen ka qeyb galka Shirka dib u heshisiinta Galmudug ee Magalada Dhuusamareeb.

Xafiiska Wararka Qaranimo Online | Muqdisho

________________________________________________

Muqdisho | QOL July 28, 2019 —Hay,ada UNHCR Xafiiskeeda Dadaab ayaa soo saartay warbixin ay uga hadlayso xaladaha Qaxotiga Dadaab iyo tirada Dadka halkaas ku nool oo hoos u dhacday oo ay gaartay meeshii ugu hooseysay abid.

Warbxin Billa ah oo ka soo baxday Xafiiska UNHCR Dhadhaab qeybtiisa Saxaafadda iyo arrimaha dibedda ayaa lagu sheegay in tirada Dadka ku sugan Xeryaha Xaqootiga ee Xarar dheer, Dhagaxleey iyo Ifo ay gaarayaan 2010,475 Qof, oo u dhiganta 44%, Boqolkiiba 57 ka mid ah waa Carruur gaartay heerka waxbarshada Iskuullada, 62,610 Carruur ah ayaa dhigata Dugsiyada , 49% ka mid ah ayaa aadda xarumaha waxbarshada halka inta dhimanna sababa aan la cayimin darteed anay Iskuullada ku biirin.

Hay’adda Qaxootiga Adduunka ayaa warbxinteeda ku sheegtay in laga soo billaabo Bishii Disembar Sanaddii 2014-kii ay Soomaaliya si iskood ah ugu laabteen Qaxooti gaaraya 80,368 Qof, barnaamijkaas oo ay fuliyeen Dowladaha Soomaaliya iyo Kenya hay’adda UNHCR.

UNHCR ayaa sheegtay in ay hoos u dhacday dhaqaalihii ay Qaxootiga siin jireen deeq bixiyayaasha Caalamka, isla markaana ay hadda helayaan oo keliya 30% qarashaadkii ay u baahnaayeen.

Xerada Qaxootiga ee Kambi Cows ayaa la xiray 31-kii Maarso 2017, halka Xearada Ifo-2 la xiray 31-kii Maajo 2018, waxaana Labadooduba si rasmi ah loogu wareejiyay Dowladda Kenya 21-ka Juun 2019.

Hay’adda ayaan warbixinteeda ku xusin Qaxootiga aan Diiwaan gashanayn ee ku nool Xeryaha Dhadhaab iyo waxyaabaha ugu qorsheysan, iyadoo sheegtay in tirada Qaxootiga ay marba marka ka dambeysa sii yaraaneyso.

Xafiiska Wararka Qaranimo Online | Muqdisho

________________________________________________

Muqdisho | QOL July 28, 2019 —Wasiirka Maaliyadda Xukuumadda Federaalka Soomaaliya, Mudane C/raxmaan Ducaale Beyle, oo ku sugan Magaalada Washington DC ee Caasimadda Dalka Maraykanka ayaa kulamo la qaatay Madax kala duwan.

Mudane C/raxmaan Ducaale Beyle ayaa shirar gooni-gooni ah kula qaatay Magaalada Washington mas’uuliyiin ka tirsan hay’adda Lacagta Adduunka ee IMF, Bangiga Aduunka iyo xubno kale oo ka socday Dalalka Ingiriiska, Talyaaniga iyo Sacuudi Carabiya.

“Waxaan Magaalada Washington shirar gooni gooni ah kula qaatay madaxda IMF, Bangiga Aduunka iyo xubno kale oo ka socday Dalalka UK, Italy iyo Saudi Arabia” ayuu yiri Wasiir Beyle.

Wasiirka maaliyadda Soomaaliya C/raxmaan Ducaale Beyle, ayaa sheegay in madaxdii uu la kulmay ay wadaageen xogo ku aaddan is-beddalka maaliyadeed ee Soomaaliya iyo hiigsiga ku saabsan deyn cafinta Soomaaliya.

Image may be NSFW.
Clik here to view. Image may be NSFW.
Clik here to view.

Image may be NSFW.
Clik here to view.

Xafiiska Wararka Qaranimo Online | Muqdisho

________________________________________________

Muqdisho | QOL July 28, 2019 —Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa maanta xafiiskiisa Wasaaradda kaga guddoomay warqadaha aqoonsiga Wakiilka cusub ee Barnaamijka Cunnada Adduunka ee Qaramada Midoobey ee marka magaciisa la soo gaabiyo loo yaqaan (WFP) u qaabilsan Soomaaliya, Mudane Cesar Arroyo.

Kulanka ayaa looga hadlay iskaashi wadaagga u dhexeeya Xukuumadda Federaalka Soomaaliya iyo WFP iyo howlaha ay ka fuliso guud ahaan dalka, oo ay ku jirto dhiirrigelinta beeraladayda Soomaaliyeed iyadoo laga iibsanayo wax soo saarkooda dalagga beeraha, shaqa-gelinta dhalinyarada, taageeridda haweenka iyo wax ka qabashada deegaannada fog ee miyiga si loo hagaajiyo xaaladda nololeed dadka halkaasi ku nool si loo yareeyo xaaladaha abaareed ee soo noq-noqday.

Wakiilka cusub ee WFP Soomaaliya waxa uu carabka ku adkeeyay ballanqaadkiisa dhammaystiran iyo wadashaqaynta hey’addiisu la leedahay Soomaaliya si looga guul keenno dhowr howl-qabad oo istiraatiiji leh.

Image may be NSFW.
Clik here to view. Image may be NSFW.
Clik here to view. Image may be NSFW.
Clik here to view. Image may be NSFW.
Clik here to view.

Xafiiska Wararka Qaranimo Online | Muqdisho

________________________________________________