Muqdisho, December 2, 2015 – Koox hubaysan ayaa Degmada Dharkeenleey ee Magaalada Muqdisho,ku dilay Askari ka tirsanaa ciidamada Dowladda oo lacago ka qaadi jiray gaadiidka isticmaala Wadad Jaayga ee degmadaasi.
Dilka ayaa wuxuu ka dhacay meel an ka fogeeyn Masaajidka Salaama ee ku dhow jidka. Askariga la ku dhintay dilka, ayaa lagu magacaabi jiray Saalax Carab, waxaana uu ahaa nin dhalinyaro ah oo caan ku ah qaadis Lacaga Baada ah ee ay la qaado Wadayaasha Gawaarida Bii’elka ah iyo wixi la mid ah.
Cidi ka dambeeyay dilka askarigaasi ayaa sida caadada ahayd, ka baxsaday goobta dilka ay ka geysteen oo markii dambe ay gaareen ciidamo ka tirsan Dowladda Somaliya.
Ciidamada dowladda ayaa soo qaaday meydka marxuumkaas oo ay dulduleeyiin rasaas laga soo tuuray bistoolado ay wateen ragga dablayda ah ee dilka geestay.
Ma aha markii u horaysay oo askari ka tirsan ciidanka Dowladda Soomaaliya lagu dilo degmada Dharkeenley, mar kastana cidi wax dishay way baxsataa!
Ali Omar Ghedi | Qaranimo Online | Muqdisho